Sejarah Morga Saragih Simarmata

1.  Santampuk Demban

Tabi ma bani nasiam ganupan simada pandei pakon simada bijak! Ijon ibahen hanami do goratan nami pasal Panroh ni morga Saragih Simarmata hu Simalungun. Ilobei i hanami ma hata pangindoan maaf pori adong na hurang janah lepak nami marhitei sinuratan nami on. Anggo ipardimata hita buei ni morga-morga na adong i Simalungun, mungkin gati do tubuh ibagas paruhuronta tarlobih ma ai paruhuran ni generasi muda Simalungun panorang on, hunja do panroh ni morga-morga on? Porlu ipatugah hanami bahasa morga-morga na adong i Simalungun, buei do na roh hun tanoh Toba, tapi bueinan do morga-morga na memang asli domma adong i Simalungun hinan. Salah sada morga na susur hun tanoh Toba aima morga Saragih Simarmata. Gati hanami marpanungkun hubani orangtua pakon namaposo Simalungun hunja do hasusuranni humbani mungkah ni. Tarlobih ma na marmorga Saragih Simarmata na adong i Simalungun. Anggo na sungkun hunja do sasintongni huta hasusuranni ompung ni, gati balos ni pitah manghatahon "anggo na botoh da hun Simarmata (Samosir) do da...sonaha pardas ni hu Simalungun, yak sungkun hita malah ompungta ambia, halani anggo ai lang na botoh be ai!!"

Halani ai, nasinurat nami on aima dalan laho patorangkon pambotoh ganup na marmorga Saragih Simarmata na adong i Simalungun, sonaha do mungkahni panroh ni morga Saragih Simarmata hu Simalungun. Suratan nami on boi do hatahonon sebagai fakta, halani ibuat hanami marhitei garis silsilah ni Simarmata ipungkah humbani Siraja Batak, pakon piga-piga turi-turian ni orangtua-orangtua na adong i Simalungun pakon i tanoh Toba.

2.  Silsilah Morga Simarmata

Parlobei ni on dear ase ibuat hanami lobei silsilah humbani Siraja Batak, janah silsilah on ibuat hanami pitah manoruskon silsilah ni Saragih Simarmata do hansa, aima :

SIRAJA BATAK

Ginompar ni Siraja Batak adong do 2 halak, aima :

Guru Tatea Bulan

Raja Isumbaon

RAJA ISUMBAON

Ginompar ni Raja Isumbaon adong 3 halak, aima :

Sorimangaraja

Raja Asi-Asi

Sangkar Somarlidang

SORIMANGARAJA

Ginompar ni Sorimangaraja adong 3 halak, aima :

Raja Naiambaton (Na isobut Sorbadijulu)

Raja Nairasaon (Na isobut Sorbadijae)

Raja Naisuanon (Na isobut Sorbadibanua)

RAJA NAIAMBATON (PARNA)

Ginompar ni Raja Naiambaton adong 5 halak, aima :

Simbolon Tua

Tamba Tua

Saragi Tua

Munte Tua

Nahampun Tua

SARAGI TUA

Ginompar ni Saragi Tua adong 2 halak, aima :

Ompung Tuan Binur (Mambuat Puang boru ni Raja Manurung hun huta Sihotang, aima : Bunga Ria boru Manurung)

Saragi

OMPUNG TUAN BINUR

Ginompar ni Oppung Tuan Binur adong 4 halak, aima :

Lango Raja

Saing Raja

Mata Raja (Mambuat Puang boru ni Raja Saudakkal hun huta Limbong Mulana, aima : Lahatma boru Limbong Sihole)

Deak Raja

MATA RAJA

Ginompar ni Mata Raja adong 3 halak, aima :

Halihi Raja (Mambuat Puang namargoran Naolo boru Sihaloho hun huta Janji Maria Parbaba)

Dosi Raja (Mambuat Puang hun huta Rianiate, aima : Bungahom boru Malau)

Datuktuk Raja (Mambuat Puang hun huta Batu Upar, Urat, aima : Tiarma boru Sinaga Uruk)

DOSI RAJA

Ginompar ni Dosi Raja adong 1 halak, aima :

Pultak Raja ( Anak Tunggal na Tubuh Humbani Raja)

PULTAK RAJA

Ginompar ni Pultak Raja adong 3 halak, aima :

Ompung Tuan Ijuk na mambuat Puang boru Manurung hun huta Sihotang.

Ompung Tuan Rudang na mambuat Puang boru Butarbutar hun huta Gaol.

Ompung Tuan Sibodil na mambuat Puang boru Sinaga hun huta Urat.

OMPUNG TUAN IJUK

Ginompar ni Ompung Tuan Ijuk, aima :

Ompung Pataniari  (Ginompar ni Ompung Pataniari on ma na misir hu Simalungun. Tapi adong do homa na hot i Simarmata).

Ompung Barus (Dong do turi-turian na manghatahon ompung Barus on misir do hu huta Barus).

Ompung Raja Goni (Misir do hu huta Harapohan pakon hu lumban Suhi-Suhi. Janah ginompar ni Ompung Raja Goni on na tading i huta Harapotan on ihatahon orangtua na ijai do sidea Amanta Ampa Nagara Simarmata).

OMPUNG TUAN RUDANG

Ginompar ni Ompung Tuan Rudang, aima :

Ompung Raja I Hutan (Tading i Simarmata, Sidaji pakon i Sihusapi)

Ompung Raja Unggas (Raja Barani) (Lahou hu Lumban Suhi-suhi)

Ompung Tuan Sori (Misir hu Lumban Bolak Parbaba).

Ompung Huta Mas (Ginompar ni Ompung Huta Mas on pe dong do na misir hu Simalungun mangihutkon sanina [abang] ni sidea ginompar ni Ompung Pataniari, janah adong homa do na misir hu huta Sihusapi).

Ompung Talaniaji (Misir hu Sibolangit, Dairi, pakon hu Karo).

Guru Sinanggabosi (Misir hu Simalungun mangihutkon saninani).

OMPUNG TUAN SIBODIL

Ginompar ni Ompung Tuan Sibodil, aima :

Ompung Huta Gorat (Ginompar ni bueinan tading i Simarmata, Sidaji, Sihusapi, janah adong do homa na misir hu Simalungun).

Ompung Pangarambu (Hu Sumatera Timur)?.

Ompung Samiang Porha (Ginompar ni lahou do hu Huta Sihusapi).

Ompu Panolhing (Misir hu huta Sidaji, pakon hu huta Sihusapi).

3.  Simarmata Ipungkah Humbani Ompung Tuan Binur – Ompung Tuan Ijuk

a.    Ompung Tuan Binur

Ompung Tuan Binur, aima sada raja niombah ni Raja Saragi Tua. Ompung on mangalop puang, aima boru ni Raja Manurung hun huta Sihotang na margoran Bunga Ria boru Manurung. Bani panorang ijia ipajongjong ompung Tuan Binur on do na gabe talunni sandiri aima namarianan i huta Namora – Rianiate – Pangururan – Samosir. Buei do turi-turian na patugahkon bahasa ompungon sada raja parholong ni atei do, tarlobih ma bani parsonduk bolonni. Ai do ase goran ni huta ni sidea pe ibahen do humbani goran ni puang ai, aima Rianiate. Marniombah do ompung on, buei ni 4 halak inma na margoran :

1.       Lango Raja

2.       Saing Raja

3.       Mata Raja

4.       Deak Raja

Humbani haompatsi niombah ni ai dong hinan do turi-turian bahasa uhur parholong ni Ompung Tuan Binur susur do hubani niombahni na margoran si Mata Raja. Bani panorang ijia sanggah dear ma pamatang ni Ompung Boru Bunga Ria marujung ma goluh ni Ompung Tuan Binur. Halani bayak do ia, buei do itadingkon ompungon na gabe tading-tading ni hubani ganup niombah ni. Mangidah tading-tading on, tubuh ma ibagas uhur ni Lango Raja pakon Saing Raja laho mambagi parbagianan ni sidea. Tapi anggo si Mata Raja lang satuju bani rencana ni abang ni on, halani pori tubuh ma holi anggi ni sidea janah dalahi homa, sonaha do pasal parbagianan ni. Tapi igogohkon sidea do ase ibagi ma parbagianan, janah saud do ibagi.  rjadi do parsureian bani sidea

b.    Mata Raja

c.     

Bani panorang ijia, panorang harajaon ni Ompung Raja Dosi Raja (hurang lobih thn 1200) tarjadi do panorang na parngit tumang tarlobih ma ai i lingkungan harajaon. Na ija dob honsi Ompung Raja Dosi Raja mardear pamatang dob ni manubuhkon niaombah (Pultak Raja arti ni Tubuh humbani Raja; Janah adong do turi-turianni bannami, Red.) borit-boritan do ganup ari Ompung on. Seng adong be na boi mampardiatei pakon mamarentah ganup jabolonni pakon talunni. On do na mambahen ganup harta, hasil ni juma, pinahan-pinahanni gabe bois ibuat ganup jabolon pakon biaya partambaranni. Rakyat ni pe lambin lang marparaturan be. Janah lang piga dokah marujung ma homa goluh ni Ompung Raja Dosi Raja on. lambin marsik ma pargoluhan ni sidea ijia.

Dob honsi magodang Raja Pultak Raja, janah ipabingkat ma ia gabe panorus ni harajoan pakon mambuat boru taridah ma hinaotikni parubahan itongah-tongah ni harajaon. Janah lang piga dokah lambin roh bayakni ma harajaon ni Ompung Raja Pultak Raja on, janah gok damei. Marniombah ma homa ia bueini 3 halak, aima : Ompung Tuan Ijuk, Ompung Tuan Rudang, pakon Ompung Tuan Bodil. Bani panorang ijia bahat do raja-raja sinhuta na legan roh marpanungkun hubani ompung Raja Pultak Raja on, sonaha do rusiani mambahen boi podas mandapotkon habayakonni.

Bani ujung tahun 1300 marujung ma goluh ni Ompung Raja Pultak Raja, manadingkon niombah pakon buei harta. Tapi paima marujung goluh ni Raja Pultak Raja on, ijon ma taridah habijakonni pakon hapandeionni laho pajongjonghon damei bani paruhuranni ganup niombah pakon ganup ginomparni, aima "iangkat do hatolusi niombah ni ai gabe raja, tapi palegan-legan ianan (talun)".  Ai do ase lang tarjadi pabolah-boalahan bani niombahni. Janah lambin marsihaholongan do hatolusi niombah ni Ompung Raja Pultak Raja on. Tapi lang piga dokah, dob honsi mardalan janah jongjong ma harajaon ni hatolusi ai, roh dokah ni lambin taridah ma hahurangan-hahurangan tarlobih ma ai bani na padameihon niombah ni bei.

Ompung Tuan Ijuk aima niombah sigodangan Raja Pultak Raja na mangalop puang boru Manurung hun huta Sihotang, lang boi mangusihi habijakon ni orangtuani lahou padameihon niombahni, aima Ompung Pataniari, Ompung Barus, Ompung Raja Goni. Saud ni tarjadi ma parsureian ibani hatolusi niombahni mangonai hubani parbagiananni sidea. Sonai homa do age haduasi anggini Ompung Tuan Ijuk, aima : Ompung Tuan Rudang pakon Ompung Tuan Bodil lang boi mangusihi habijakon ni orantua ni sidea.

Hinorhonni na dob tarjadi parsureian atap parbolah-bolahon lambin ngalutma pargoluhon ibani huta ni bei. Dob honsi ai, mangidah situasi on ganupan Ompung Pataniari marpodah do hubani niombahni ase ulang isurahon hot tading bani huta ni sidea. Halani

Ompu Tuan Binur yang merupakan ayah Simataraja, kawin dengan Bunga Ria boru Manurung, puteri Raja Manurung yang tinggal di Sihotang. Ompu Tuan Binur kemudian mendirikan kampung yang bernama Huta Namora di Rianiate, dekat Pangururan.
Ompu Tuan Binur kemudian dikaruniai 4 orang putera yaitu Lango Raja, Saing Raja, Mata Raja dan Deak Raja dan dua putri. Kedua puterinya kawin dengan Sihotang Marsoit dan Limbong Naopatpulu.

Putera ketiga dari Ompu Tuan Binur yaitu Simataraja, kemudian kawin dengan puteri Raja Saudakkal dari Limbong Mulana, bernama Lahatma boru Limbong Sihole, dan selanjutnya mereka tinggal di suatu daerah yang kemudian dinamai Simarmata. Dari perkawinannya, Simataraja mempunyai tiga orang putera yaitu: Halihi Raja yang kawin dengan Naolo boru Sihaloho dari Janji Maria Parbaba, Dosi Raja yang kawin dengan Bungahom boru Malau dari Rianiate, dan Datuktuk Raja yang kawin dengan Tiarma boru Sinaga Uruk dari Batu Upar, Urat.
Kepada ketiga puteranya Simataraja kemudian membagikan tanah Simarmata. Halihi Raja memperoleh Huta Uruk, Dosi Raja memperoleh Huta Toguan (Toruan), dan yang bungsu Datuktuk Raja memperoleh Huta Balian. Diduga ketiga putra Simataraja ini hidup sekitar tahun 1550.
Ketiga putera Ompu Simataraja inilah yang menurunkan marga Simarmata dan menyebar keberbagai penjuru, terutama ke daerah pantai Sumatera ditepian pantai Danau Toba, baik kearah Timur, Tenggara maupun Barat, diantaranya ke Simalungun, Karo, Dairi, Humbang, Sibolga, Pematang Siantar, Binjai dan kota-kota lainnya di Sumatera, Jawa, bahkan ke seluruh Indonesia dan Dunia. Untuk lebih detail lihat TAROMBO SIMARMATA.

bersambung